12.10.09

Хүн үхсэний дараахь 49 хоногт яадаг вэ?

Монголчууд бид Буддын шашин сургаалийг илүү их хүлээн авч бишрэн шүтдэг билээ. Тиймдээ ч хүн нас барахад Буддын шашны ёсоор 49 хоног зул асаан маань мэгзэм уншин явдаг. Тэгвэл хүн үхсэний дараах 49 хоногт яадаг болох талаар 49 хоногийн тайлалыг өгүүлсэн “Бардо Тойдол” хэмээх ховор нандин судараас Бурхны шашныг шүтдэг хүмүүстээ зориуллаа. Энэ судар нь хүний оршихуйн нууцад хүрэх түлхүүр юм.

“Бардор Тойдол” –ийг үгчлэн орчуулбал “Сонссоны хүчээр чөлөөлөгдөх” гэсэн утгатай бөгөөд энэхүү судар нь Түвдийн эрдэмтэн мэргэдийн олон зуун жилийн турш үе дамжин цуглуулсан баримтуудаас бүрддэг юм.

Энэ судрыг нас нөгчиж буй хүнд буюу нэгэнт өнгөрсөн хүнд уншиж өгдөг байсан ч зөвхөн дээгүүр зиндааны лам нар л унших эрхтэй нууц судар байсныг дурдах нь зүйтэй болов уу. Энэ сударт тэмдэглэсэнээр Бардын зургаан шат байдаг. Гурвыг нь хүн амьддаа үзэж гурвыг нь нас барсныхаа дараа туулдаг тухай өгүүлжээ. Ингээд “Бардо Тойдол”–оос зөвхөн зайлшгүй чухал гэснийг нь толилуулья.

ЧИКАЯ БАРД БУЮУ ҮХЛИЙН МӨЧИЙН БАРД
Энэ нь нэг дэх шат буюу аливаа амьтан амь тавих мөч.
Энэ үед доорхи үхлийн шинжүүд мэдрэгдэнэ. Ямар шинжүүд өөрт мэдрэгдэх вэ хэмээвээс, Бүх бие хүндрэн жихүүдэс хүрч хүйтэнд умбана.
Нэг бол халуу оргиж нэг бол хүйт даана. Нүдний өмнө харанхуйлан гал бутарч үзэгдэнэ. Энэ бүхэн үхэлд бэлтгэгдэж байгаагийн шинж юм. Ингээд удахгүй нүдэнд чинь гал бадран Чикайя Бардад шилжинэ. Энэ үед анхааралтай байж бодлоо төвлөрүүлэн сайн сонсч, сайн харах хэрэгтэй. Мөнхийн гурвал болох Кайя буюу Дхарма Кайя /үйлийн үр/, Самбхог Кайя /цэцэн ухаан/, Ниймана Кайя /төрөл хувирах/ -ийг харж мэдрэхийг хичээ.
Хамгийн сүүлийн аьсгалаа авахгүй. үүний дараа мөнхийн ариун гэрлийг олж харна. Өмнө чинь зах хязгааргүй орчлон нээгдэнэ. Чи орь ганцаар өд мэт хөнгөхөн хөвөх болно. Гэвч үүнд бүү баяс, бас битгий ай, энэ бол үхлийн цаг. Үхлийг ашигла, энэ бол аугаа их боломж…
Хэрэв чи гялбаа үзвэл энэ бол яруусан тодорсон бодит ахуйн мөнхийн гэрлийн гялбаа гэж ойлгох хэрэгтэй. Чиний өөрийн оюун ухаан энэ үед ахуйгаас тусгаарлан, ариусан цэвэршиж, гялтганан гялалзах бөгөөд энэ нь чиний ухамсар юм.
Оюун ухаан, ухамсар хоёрын нэгдэл чинь мөнхийн Дхарма Кайя үйлийн үр мөн. Одоо чиний оюун ухаан төрөх үхэхийг мэдэхгүй. Энэ чинь л дангаараа мөнхийн гэрэл Будда Амитаба ажээ. Анхаарлаа төвлөрүүлэн мөнхийн гэрлийг хайхтун. Олж хараад түүнийг Энэ байна гэж хүлээж ав. Энэ бол мөнхийн үнэн Дхарма Кайятай уулзаж байгаа нь тэр.
Түүнийг олж хараад, танин мэдэж чавал үнэн хэрэгтээ чи юу хүснэ тэр болж чадна. Ингэж нууцад нэвтэрвэл, үхэл аьдралын хуулийг ойлгож өөрөө энэхүү гэрэл болно. Гэвч энэ бол хүн болгоны хүрч чадах шулуун зам биш юм.

Хоёр дахь шат:
Чи мөнхийн тод гэрлийг олж харж чадаагүй бол дараагийн Бардад шилжихийн өмнө хоёрдогч гэрэл үзэгдэж болно. Олж харахыг хичээ.
Хэрвээ харж, нэрлэж, хүлээн авч чадвал цаашдаа олон юмнаас зугтаж чадна гэсэн үг. Гэрлийг олж харуутаа өөрийн шүтээн мэт хүлээж авах хэрэгтэй. Энэ хоёр дахь гэрлийн үе амьсгал зогссоны дараа хэдэн цаг үргэлжилдэг. Амьдрах хүч чинь биеийн нэг онгорхой цэгээр гадагшлах бөгөөд ухаан санаа яруусч, эргэн тойрондоо байгаа бүхнийг олж харна.
Найз нөхөд, төрөл төрөгсдөө харах төдийгүй тэдний яриаг ч сонсоно. Өөрийн орхисон бие махбодио, өөрийн одоо эзэмшиж буй биеэ хараад өөрийгөө нүднээ үл үзэгдэгч, тунгалаг болсоноо мэдэрнэ. Үүнийг мэдрээд айхгүй байвал нэгэн мөчид л аврал ирнэ.
Энэ бол хоёрдогч мөнхийн гэрэл. Өөрийгөө өөрчлөгдсөнийг мэдээд шинэчлэгдэж, гэрлийг мэдэрч, хүлээж авсанаар өөрөө гэрэл болно. Өөрөөр хэлбэл гэрэлд шингэнэ. Гэрлийг танихгүй бол мөнхийн харуулуудыг ямар ч дүрээр харна. Тааралдана. Хэрвээ чи гэрлийг хараагүй боловч ухааран сэргэсэн бол, хаана байгаагаа мэдэрсэн бол номхон хүлцэнгүй байхыг хичээ.
Юутай ч тааралдсан толгой гудайлган амьд сэрүүндээ мэддэг байсан ганц тарнийг ч болов унш, итгэж шүтэж явсан зүйлдээ мөргө. Замчин тааралдваас түнд бишрэн мөргө. Их зам өмнө чинь нээгдэнэ. Энэхүү Чикайя Барда 3-5 хоног үргэлжилнэ.

ХОНИД БАРД БУЮУ КАРМУУДЫН ХИЙ ҮЗЭГДЛИЙН БАРД.
Энэ Бард нь ойролцоогоор 15 хоног үргэлжилнэ. Ер нь үхлийн гурван Бард нийтдээ 49 хоног юм. Хэрэггүй болсон бие махбодио орисон оюун ухаан чинь ЧикайяБардыг дамжаад Хонид Бардад шилжинэ. Хонид Бардад шилжээд бү ай, битгий яаар, анхаарал болгоомжтой бай.
Чи үхсэн өнгөрсөнтэйгээ бүү зууралд. Сэтгэл хөдлөл чинь чамайг аймшигтай газар аваачиж чадна. Энэрэн хайрлах сэтгэлээр эргэн тойрноо хар. Зүүд зэрэглээ мэт хурц гэрэл, аянга тэнгэрийн дуу мэт их чимээ өмнө чинь дүүжигнэнэ. Чи нэгэнт үгүй болсон тул чамайг юу ч айлгаж чадахгүйг бүү март.
Чи хүссэн зүйлдээ хувилж чадна. Энэ дуу чимээнд хувирч нэгд. Энэ бол сүүлчийн чинь мөн чанар мөн. Хэрвээ энэ бүгдийг мэдэрч, ойлгож, хүлээж авч чадахгүй бол чамайг аймшиг нөмөрнө. Мөс цөмрөх мэт гай зовонгийн өөр ертөнц рүү унаж мэднэ. Бодолгогүй мэдрэмжээсээ болгоомжил.
Ингээд Хонид Бардад шилжсэний дараахи өдрүүдийг дараалан өгүүлье.

Нэг дэх өдөр.
Гурван өдрийн турш өөрт чинь юу тохиолдсон нь мэдэгдэхгүй байсан бол сэргээд битгий сандар. Чи их өөрчлөгджээ. Бүх юмс өөрчлөгдөж, чи өөр болсон. Толинд бүү хар, ойр дотныхноо бүү зовоо. Чи урьд өмнө нь хэзээ ч үзээгүй зүйлээ үзэж, сонсч байгаагүй зүйлээ сонсох болно.
Аль алиных нь эх үүсвэр бол зүрх сэтгэлийн чинь мандал юм. Энд чи гэгээрэх боломжтой.
Эхний өдрийн энэ газар бол Цагаан Бадда-Вайрочаны эзэмшил юм. Тэр цав цагаан биетэй бөгөөд цэвэр цэнхэр гэрэл цацруулна. Энэ гэрэл нь маш хурц, тоймгүй их дөлтэй тул айж эмээх сэтгэл төрүүлнэ. Гэвч хэн айхгүй энэ гэрэлд итгэж өөртөө хүлээн авна тэр Бардагийн аугаа их өвчин зовонгоос чөлөөлөгдөнө. Цэвэр цагаан гэрэлд хэрхэвч автаж болохгүй, замаасаа төөрнө гэсэн үг.

Хоёр дахь өдөр.
Энэ өдөр бол нэвтрэхийн жаргал болон Толины цэцэн зөнг шингээсэн цагаан голын өдөр юм. Мөн энэ өдөр нүгэлтнийг авахаар тамын хаалга нээгдэнэ. Тэндээ утаархуу бараан гэрэл цацрах бөгөөд ихэд ойр дотно, халуун дулаан санагдана. Гэвч энэ дотно мэт хар гэрэл рүү бүү хар.
Муу үйл уур уцаар чинь чамайг там уруу түлхэж чадна. Тамд нэг унаваас тэндээс буцах зам нь удаан. Энэ өдөр уурлаж уцаарлахаас зайлсхий.
Газар дээр үлдэгсэд чиний өмч хөрөнгийг хуваан маргаж, эсвэл хань чинь чамайг мартсан байхыг үзэж болох бөгөөд энэхэн мөчид л дүрсхийн уурлавал тамд уналаа гэсэн үг.
Зургаан тэнгэрлиг тэмдэг солонгийн өнгөөр үзэгдэнэ. Дорнын ялагдашгүй Төгс Будда хурц цагаан, нүд гялбам гэрлээ цацруулсаар ирнэ. Энэ цагаан гэрлийг хайр, ёс журам, гоо сайхан төгс төгөлдөр дагалдана. Үүний хажуугаар там болон муу муухайг дагуулсан хар хүрэн гэрэл ч байна. Хүний муу муухай зан чанар цагаан гэрэлээс нүд гялбан бууруулж, хүн айдаг болохоор ийнхүү хар гэрлийг дагана. Энэ мөчид ухаалаг бай. Энэ хар гэрэл чамайг тодорхойгүй арчаагүй, ирээдүй уруу хөтөлнө гэсэн үг.
Хурц цагаан гэрлээс эмээлгүй түүнийг дага сонго.

Гурав дахь өдөр.
Өмнөд зүгийг цэвэр шар гэрэл ноёрхоно. Ратнасамбаха буюу өмнийн Будда шар биенээсээ шар гэрэл цацруулсаар ирнэ. Хэрэв шар гэрлээс айж, түүнтэй сүлэлдэн туяарч буй бүдэг цэнхэр гэрлийг дагаваас газар дээрх шинэ амьдралд эргэн орж, төрөх өтлөх, өвдөх үхэх зовлонг дахин амсч сонгох аргагүй хамгийн муу муухай газар унана. Цэвэр шар гэрэлд уусагтун.

Дөрөв дэх өдөр.
Энэ өдөр бол цэвэр улаан галын өдөр. Эргэцүүлэхүй, цэцэн ухаан хоёрт захирагддаг өрнө зүг ноёрхоно. Өрнийг эзэгнэгч, бүхнийг мэдэгч Будда-Амитаба хүлцэл, ач буян, дуу хуур, гал зэрэг дагуултайгаа хурц улаан гал бадруулсаар ирнэ.
Хорвоогийн амьдралтай холбоотой нэгэн хэмийн бүдэг улаан гэрэл дагалдана. Энэ бүдэг улаан гэрлээс зугт. Учир нь энэ гэрэл нүглээ наминчлаагүй, заяа муутай сүнснүүдийн оронд аваачина. Энэ өдөр өс хонзон, хайр сэтгэл буюу газар дээрх амьдралд хоргодсон аль нэг тэмүүллээс болж хий үзэгдэл, буг чөтгөр буюу азгүй сүнснүүд төрдөг. Тэр цаашдаа Бардыг туулж авралд хүрч чадахгүй. Хурц улаан галыг сонго.

Тав дахь өдөр.
Хойд зүгийн цэвэр ногоон гэрэл туяарч хойд зүгийн Будда-Амогасидхи буюу Чин зоригт, гүйцэлдүүлэгч Будда заларна. Хурц ногоон гэрэл нь хардах, үл итгэх атаа жөтөөний цайвар ногоон гэрэлтэй сүлэлдэнэ. Энэ бүдэг ногоон гэрлийг сонговол үргэлж дайсагнан тэмцэлдэгч хар санаат аваргуудын оронд очих тул болгоомжлогтун. Хурц ногоон гэрлээс бүү ай, зоригтой хүлээж ав.

Зургаа дахь өдөр.
Бүх тэнгэрлиг тэмдэгүүд болон чиний гэрлэн бүтцийн нууцууд нэг нэгээрээ чамд цувран үзэгдсэн бөгөөд чи өөрийгөө танин мэдэж, ямар байсан тэр хэвээрээ үлдэж чадлаа.
Энэ зургаа дахь өдөр ус, гал, хий, шороон махбодийн илрэл болсон шар, ногоон, цагаан, улаан гэрэл зэрэг асна. Тэдэнтэй нэгд, тэднийг хайрла, тэдний салшгүй нэг хэсэг нь бол. Өөрийгөө анхдагч төрөөгүй бодлын байдалд оруул, чамд ямар ч эхлэл дүгнэлт, тодорхойлолт байхгүй.
Энэ гэрлийн аль нэгийг сонгож болохгүй. Бүгдэд нь адил хандаж, өөрийн чинь тусгал болсон тэднийг хайрла. Энэ тод гэрлийн хажуугаар бүдэг гэрэл тусах боловч тэдэнд битгий авт, автвал итгэл аврал үгүй өөр ертанц рүү унана.
Ийнхүү бурхантай өөрөө өөртэйгээ нэгдэж чадвал бүх нууцад нэвтэрч чамд мэдэхгүй зүйл гэж байхгүй болно. Зургаа дахь өдөр бол өөрийн сэтгэлийн Чарамыг танин мэдэх сүүлчийн өдөр юм.

Долоо дахь өдөр.
Энэ өдөр чи эрдэм мэдлэгийг харах хоолойн чакрамд шилжинэ. Янз бүрийн өнгөөр гялалзах гэрэл чиний дээр эргэлдэнэ. Мэдрэхүйн тэнгэрүүд өөр өөрийн өнгө, чанарыг илэрхийлэн сүртэй чанга хөгжмийн аянд бүжнэ. Тэд сайныг шагнаж, мууг шийтгэхээр иржээ.
Тэд асар хурц гэрэл цацруулах тул харж үл тэвчин тайван цэнхэр гэрэл цацарч буй руу тэмүүлбээс олон зовлоонг урт удаан хугацаагаар эдлэх болно. Хурц гэрэл, дуу чимээнээс бүү ай, хамт бүжиглэ. Тэднээс туслалцаа, өглөг гуй. Өөртөө гялалзагч таван галыг шингээснээр диваажинд орох үүд чинь нээгдэнэ. Өөрт чинь үзүүлж байгааг таньж мэд, түүнд хувил чи чөлөөлөгдөнө.
Чөлөөлөгдсөний шинжүүд яаж илрэх вэ гэвэл, хурц тод нар, анхилам хүжийн үнэр, нууцлаг, агаарт эгшиглэх хөгжим. Анхдагч гэрлийг таниад түүнд ууссан хүн шууд Дхарма Кайяд хүнэ.
Өөрөөр хэлбэл тэр хэзээ ч Бардо Тойдол-ыг унших шаардлагагүй болно. Хонид Бардад ухаарч сэнхэрсэн хүн төрөл дамжих хэлхээг шууд таслан, дэлхий дээр ирвэл хүн төрөлтөнийг гэгээрүүлэх гэж ирэх бөгөөд Самбхог Кайяд хүрнэ.
Хэрвээ Сидна Бардад хүрч байж сая таньж мэдвэл сайн төрөл олох боломж багасна. Өөрөөр хэлбэл Нирман Кайя төшинд байна гэсэн үг. Гэвч хичээвэл энд ч сайн төрөл олох, асур буюу хүмүүсийн дунд төрж, үхлээр тасалдсан амьдарлаа үргэлжлүүлэн, хөгжин дэвших боломж байдаг.
Хонид Бардад байх 8-14 өдрүүд нь бурхад болон оюун ухааны тэмдгүүдийг эзлэх өдрүүд болмой.

3.СИДНА БАРД БУЮУ ТӨРӨН МЭНДЛЭХЭЭ ХҮЛЭЭХ БАРД
Хонид Бардын амьд тэмдэгүүдийг таньж мэдээгүйн учир чи өөрийгөө олсонгүй. Одоо чи Сидна Бардад байна. Энэ Бардад төрөх нь дэлхийнхээс тэс өөр. Чиний ухасар сэргэж, нэг мэдэхэд чи байна.
Чи урьд амьд үеийнхтэйгээ адил биетэй, мэдрэмжтэй, чөлөөтай хөдөлнө. Кармын жирийн биш хүчний нөлөөгөөр Бардад байгаа амьтдыг бүгдийг харна. Чиний бие урьдынхтай адил боловч илүү төгс, учир нь хүсэл мөрөөдөл итгэл найдвар, ирээдүйн билэгдлүүдээс төрсөн болоод тэр. Ирээдүйд төрөх газар орон, хамт амьдрах хувь тавилантай хүмүүсээ харна. Тэдэнд бүү авт. Энэ бол Бардын хүнд бэрх, урт удаан зам.
Хонид Бардад чи өөрийгөө харж, таньж мэдэж, санаж чадаагүй. Тиймээс Сидна Бардад өөрийгөө үрэлгүй, өөрийн сэтгэл хөдлөлд авталгүй байх нь чухал. Шунал тачаалгүй, сайн санаатай байж чадвал эндээс гарч дахин төрөлдөө ой ухаанаа хадгалах буюу бүр эцсийн тохиолдолд ой ухаанаа гээсэн ч илүү дээгүүр төрөл олж болох юм.
Хэрэв өөрийгөө захирч чадвал эхийн умайд орох шаардлагаас чөлөөлөгдөнө. Сидна Бардад байгаагаа хэзээ ч бүү март. Чи Кармын биетэй байгаагийн нэг баталгаа бол чи ямар ч хана, хэрэм, уул, хадыг нэвт гарах чадвартай. Чи Кармынхаа хүчээр дуртай газраа очиж, дуртай зйлээ үэх чадвартай.
Бардад харж буй болон чам уруу ширтэж буй амьтад хожим ирээдүйд хувь заяа чинь чамтай уулзуулан учруулах хүмүүс. Чи бүх ертөнцийг хэрэн хэсч чадах боловч хоёрхон газарт нэвтэрч чадахгүй.
Тэр нь сүнсний аугаа их төв болох эхийн умай. Газар дээрх хүмүүс, садан төрлийн холбоотой байсан хүмүүсээ харж яривч тад чамайг сонсохгүй, тэдэнд хүрэхийг хичээвч нэвт гарна.
Чи 49 хоногоо хүртэл ийм байдалд байна. Ихэнх хүмүүс /сүнснүүд/ Сидна Бардад 22 хоногийг өнгөрүүдэг. Амьд сэрүүндээ өөрийгөө цэгнэж хянахыг хичээн, үхэх төрөх амьдралын тухай байнга санаж байсан хүмүүсийг Сидна Бард, аз жаргал, баяр баясгалангаар угтана. Гэхдээ энд хууртаж хөөрч болохгүй.
Сидна Бардад үзсэн сайн муу аймшигтай, гэгээтэй зүйлүүд бүгд өөрийн чинь ухаан бодлоос урган гарч байдгийг санаж яв. Хамгийн гол нь тайван байж сурах хэрэгтэй. Сидна Бардад хэн ч чамд туслахгүй, хувь заяаг чинь өөрчилж хүчрэхгүй. Энд дээд зэргээр ганцаардах тул хүний бие хайж эхэлнэ. Гэтэл чамайг энд байх хугацаанд хуучин бие чинь өмхөрч үгүй болжээ.
Дахин төрөл авах гэж бүү яар, аль тааралдсан умайд орвол алдаж мэднэ. Зөвхөн зовохын тулд төрвөл яана. Энэ ертөнцөд үзэж буй чиний бүх зовлон чамаас өөрөөс чинь гарч байгаа юм. Хэрэв чи зовлонгоосоо салж чадахгүй байгаа бол сайн сүнс ирээд чиний сайн үйл бүрийг цагаан чулуугаар тэмдэглэн овоо босгоно.
Түүнтэй цуг нөгөө талд нь муу сүнс ирээд хар чулуугаар чиний муу үйл бүхнийг тоолж овоо босгоно. Энэ овоонуудыг чи хараад айж хэлж хашгичиж эхэлнэ. Тэгэнгүүт үхлийн ноён /Эрлэг номун хаан/ гартаа хувь тавилангийн толийг барьсаар ирэх бөгөөд тэнд чиний сайн муу үйл бүгд ялгаран харагдана.
Чи өөрөө энэ толинд хараад л үнэнийг мэдэрнэ. Дараа нь эрлэгүүд чамайг хүзүүнээс чинь оосорлон чирж элдвээр тамлан тасдаж зовоох бөгөөд бие чинь дороо бүтэн болж, дахин тамлуулах зэргээр энэ гинжин хэлхээ зогсоо зайгүй үргэлжилнэ.
Чи бүгдийг ухааран ойлготол, чи өөрөө өөрийгөө шүүж байгааг, энэ бүхэн чинь бохирдсон оюун ухаанаас урган гарч байгааг ойлготол чинь үргэлжилнэ.
Ямар нэгэн эрлэг чамайг тамлаж байгаа юм биш чи өөрөө өөрийгөө зовоож байгаа нь энэ.
Энэ бүхэн хий хуурамч үзэгдэл боловч Бардын ертөнцөд хий үзэгдэл болон чи өөрөө нягтаараа адил тул, өвдөхийн зовлон жинхэнэ юм.
Нүгэл буянаа дэнслүүлэхдээ битгий худлаа ярь, эрлэгээс битгий ай, түүнээс хамгаалж туслахыг гуй. Бурханд залбир, тэгвэл аврагдана. Энэ бол чиний чөлөөлөгдөх сүүлчийн боломж. Одоо л амьдралын нууц бичлэгийг тайлж чадахгүй бол өнгөрсөн бүхнээ мартахад доошоо унана. Энэ боломжийг алдвал дахин төрөхдөө ой ухаанаа алдана гэж мэд.
Дахин төрөхдөө зургаан ертөнцийн хаана нь ч төрж болно. Чиний очих ёстой ертөнц илүү хурцаар чамд гэрэлтэнэ.
Тэгш цагаан гэрэлтэй нь тэнгэр нарын ертөнц.
Тэгш ногоон гэрэлтэй нь асур нарын ертөнц.
Тэгш шар гэрэлтэй нь хүний ертөнц.
Тэгш хөх гэрэлтэй нь араатан амьтадын ертөнц.
Улаандуу гэрэлтэй нь бирд нарын ертөнц.
Хар саарал сүлэлдсэн гэрэлтэй нь тамын ертөнц.

Төрөх дөрвөн арга зам бий.
Үүнд: Өндөгнөөс, умайнаас, жирийн биш замаар, үр тарианаас.
Там, Асур, Тэнгэр, Бирд нарын ертөнцөд жирийн биш аргаар төрнө. Хүний ертөнц болон амьтны ертөнцөд төрөл олбол умай шаардлагатай. Зарим сүнс ертөнцөд бурханы замыг засахаар өнгөрсөн болон ирээдүйгээ мэдэх чадвараа орхилгүй мэндлэх нь бий.
Хэрэв өчүүхэн төдийн уурлаж уцаарлах буюу өнгөрсөн амьдралдаа, дэлхий дээр орхисон зүйл, эд юмандаа хоргодвол шууд төрөл доошилж тамд төрнө. Сайхан сэтгэлтэй, бодолтой, бурхан багшдаа итгэл үнэмшилтэй байх нь хамгийн чухал. Тэр ч бүү хэл, чи тамын ертөнцөд төрөх тавилантай ч энэрэнгүй сайхан сэтгэл гаргаваас төрөл дээшлэх магадлалтай.
Бодол санаа чинь ариун тунгалаг байх нь чухал. Энэ зургаан ертөнцөөс илүү хурц гэрэлтэж байгаа нь өөрийн ертөнц гэж таньсан бол чиний ирээдүйн төрж, амьдрах ертөнц гэдгийг ухамсарлах хэрэгтэй.
Оюун санаанд чинь өнгөрсөн амьдрал бүдгэрч, ирээдүй улам тодрох болно. Гэвч битгий яар. Чи дахин төрөл олж зовох, жаргах чинь өөрийн анхаарал мэдрэмжээс шалтгаална. Одоо өөртөө аль болох таатай газар олохыг хичээж, өөрт чинь зовлон авчрах умайнаас хол байхыг бод.

Чиний очихыг хүсээгүй умайн амсрыг хаах таван арга байдаг. Үүнд:
Чамайг умай руу урсгаж буй урсгалыг эсэргүүц. Эсэргүйцлээ номхон хүлцэнгүй итгэл үнэмшилтэйгээр ямар ч уур уцааргүй үйлд. Бодлоо сайнаар эсэргүүцэх гэдгээс бусдаас нь цэвэрлэ.
Эр эмийн ажил үйлдэж буй хоёр хүнийг битгий сатааруул, анхаарлыг нь өөртөө бүү тат. Тэр хоёрыг эцэг эх хэмээн үзэж тэдэнд итгэж бодлоороо өөрийгөө өгч, үнэн сэтгэлээсээ сургаал хүс. Тэгж чадвал чамайг хүлээн авахад бэлэн байсан умай хаагдана.
Мөн эр эмийн ажил үйлдэж байгаа хоёрыг хараад сэжигч муу бодлоосоо холдож, хайраас хөндийрөн, хүсэл таашаалаа багасга.
Хэрэв чи амжилтанд хүрч чадамгүй санагдвал энэ хоёр, дуу чимээ, умай энэ бүхэн хий хоосон зүйл гэж бод. Тэр ч байтугай өөрийн оюун ухамсарыг ч хий зүйл гэж тооц. Ингэвэл санасанаар болно.
Хэрэв мөн л урьдынхтай адил чамайг хүлээж байгаа умай харагдвал чи эргэлзэж, байхгүй зүйлийг үнэн байдал мэт хүлээн авч буйтай холбоотой. Зөвхөн “өөр” дээрээ төвлөр. Миний оюун ухаан хүртэл байхгүй зүйл, тэр төрөөгүй болохоор үхэж чадахгүй. Миний ухамсар бол толинд тусч, өөрөө өөртөө баригдагч тусгал гэх мэтээр эргэцүүл. Тэгж чадвал чамайг хүлээж байсан савны амсар хаагдана.

Умайг сонгох нь:
Хэрэв чи сургаалын үгийг сонсоогүй, тэднийг ажиглаж чадаагүй бол умайн ам нээлттэй хэвээр бол түүнд орох цаг ойртож байна гэсэн үг. Умайгаа сонгохыг хичээгтүн. Нэн тэргүүнд чи төрөх тивийнхээ тэмдэгийг олж үзнэ.
Хэрэв дорнод тивд төрөл авах заяатай бол хун шувуутай том нуурыг үзнэ. Битгий ор. Тэнд тухлаг жаргалтай ч итгэл сул. Өмнөд тивд төрөл авах болбол гоёмсог орд харшыг үзнэ. Чадвал ийшээ ор. Өрнө тивд төрөх болбол эргээр нь үхэр бэлчсэн нуур үзнэ. Тэнд эд баялаг, хангалуун тансаг орчин хүлээж байвч, итгэл бишрэл сул тул бүү ор.
Асур нарын оронд төрөл авах бол ширэнгэн ой буюу галан тойрог үзнэ. Ороод хэрэггүй. Тэнгэр нарын оронд төрье гэвэл алт мөнгө, үнэт эрдэнэсээр дүүрсэн дуган харагдана. Чадвал ийшээ нэвтэр.
Хэрэв амьтадын ертөнцөд төрөл авья гэвэл манан, утаанд умбасан гүнзгий нүх, агуйнууд харагдана битгий ор. Тамд төрөл авбаас сэтгэл татам уянгалаг дуу сонсогдоно. Чи маш ихээр энэ дуунд татагдана. Үүнийг эсэргүйц. Чи энд олон зууны турш зовж шаналах болно. Битгий ор. Одоо чи урьдах Кармаасаа саллаа. Хувь заяаны хүч, түүний тоо томшгүй хүчдэл шуурга үүсгэнэ. Энэ бол Кармын шуурга.
Чиний ард асар хүчтэй, аймшигтай дуу чимээ гарч шуурга дэгдэхэд чи аврал эрэн харсан зүг рүүгээ гүйх болно. Олон сайхан орд харш, тал нуга, нуур ой, цэцэг навч, өмнө чинь харагдан аварга том бадамлянхуа цэцгэнд ороход тэрбээр дэлбээгээ хумхина.
Дотор нь амар амгалан тул чи эндээс аймшигт салхи шуурганд гарахыг хүсэхгүй. Гэвч чи ямарч сонголт хийж чадалгүй тааралдсан умайд шургаж баригдах нь энэ. Сонголт хийхийн тулд сонгох боломжтой байхын тулд энэ Кармын шуурганд автаж, эмээх хэрэггүй. Тэр чамайг нөмрөөд ирэнгүүт бурхан багшдаа эсвэл муу зүгийн юмыг зайлуулах чадвар бүхий бурхдад залбирч мөргө.

Дахин төрөлт.
Хэрэв чамд умайд орохоос өөр зам үлдээгүй бол энэ сургаалыг сонс. Эхний умайд бүү ор. Муу зүгийн тэнгэр нарыг эсэргүүцэх тарни уншвал тэд чамд садаа болохоо больж чи сонголт хийх боломжтой болно. Чиний өмнө дээд, эсвэл хүний ертөнцөд төрөл авах боломж байна.
Хэрэв дэлхий дээр төрөл авахаар шийдвэл итгэл үнэмшил нь бат бөх байгаа тивийг сонгоорой Гялгар бүхэн алт биш гэдгийг мартаж болохгүй. Сонголт хийхдээ болгоомжтой бай. Бүх чадлаараа хаан, сурвалжтан ч юм уу эсвэл зовлон зүдгүүргүй амьдрах хүн болж төрөхийг хүс.
Сайтар нягталж бодсоны эцэст чамайг дуудсан саванд ор. Орохдоо өөрийн хүсэл сонголт биелнэ гэдэгт итгэл хайр дүүрэн байх хэрэгтэй. Тэгвэл тэр умай чинь чиний авралын сүнс болно. Дотор нь ороод эцсийн мөчид бурханы тухай, хайр энэрлийн тухай бод. Хэрвээ умайгаа сонгож чадахгүй бол мөргө, залбир. Өөрийн бүх хүчийг дайчлан хайр итгэл хоёроор зэвсэглэн анхаарлаа хоёрдуулалгүй бурханд ханд.
Нэг мөчид түүнд шингэ. Тэгвэл өөрийгөө олж харна. Өөрөө өөртэйгөө дөрвийг нэг болгон нэгд, тэгвэл эцсийн мөчид аугаа их хүч орно. Тэгвэл алт, алмас эрдэнээр чимэглэсэн өндөр сүм дугана бүхий тивийг сонго. Чадвал тийшээ нэвтэрч, хүсвэл бурхан болно.
Үүгээр үхэгсдийг чөлөөлж, амьдыг сургагч Бардын тухай сургаал өндөрлөмой.

21.1.09

Бурхнаас ярилцлага авч гэнээ...../ уншиж байсан юм /

Нэг удаа би бурханаас ярилцлага авч байна гэж зүүдэллээ.

- Чи надаас ярилцлага авахыг хүсч байна уу ? Гэж Бурхан асуулаа.

- Хэрэв танд зав байгаа бол...

Бурхан инээмсэглээд,
- Миний цаг хугацаа дуусашгүй асуу даа гэлээ

- Хүний чухам юуг гайхдаг вэ ?

Тэд хүүхэд наснаас салахыг хүсч том болохыг хүсдэг ч эргээд хүүхэд болохыг хүсдэг.

- Тэд мөнгө олохын тулд эрүүл мэндээ орхидог дараа нь эрүүл мэндээ аврахын тулд мөнгө зарцуулдаг.
тэд одоогийн байгаагаа мартаж ирээдүйн тухай их боддогч өнөөдөр ч ирээдүйд ч тэр амьдрал нь яг адил
Тэд хэзээ үхэхгүй юм шиг амьдардагч хэзээ ч амьдарч байгаагүй юм шиг үхэцгээдэг.

-Та ямар сургаалыг хүмүүст хандаж хэлмээр байна ?

- Бусдад хүчээр хайрлуулах боломжгүй юм тиймээс чиний хийж чадах зүйл бол бусдад хайр үзүүлэх явдал юм.
Хайртай хүнээ гомдооход хэдхэн хором л хангалттай. харин тэднийг буцаан эргүүлэхэд удаан хугацаа шаардагдана.
Чамд хайртай гэдгээ байнга хэлддэггүй ч чамд хайртай хүмүүс байдгыг байнга сана.
Хоёр хүн нэг зүйлийг харж болох ч тэд хоёулаа ижил биш учир нь өөр өөр өнцгөөс хардаг.
Нэг нэгнээ уучлах нь хангалттай биш юм. Чи өөрийгөө яаж уучилсан шигээ найзыгаа ч гэсэн тэгэж уучил.

Би цаг гаргасанд "баярлалаа" гэж хэлээд

- Өөрийн хүүхдүүдэд өөр хэлэх зүйл байна уу.

Бурхан инээмсэглэн

БИ ТА НАРЫН ТӨЛӨӨ БАЙДАГ ЮМ ШҮҮ ҮРГЭЛЖ....!!!! гэлээ.

Хайртыгаа хайрлах 50 дүрэм


1. Эхлээд өөрийгөө хайрла
2. Өдөр бүрийг дотноор тэврэлдэн угт
3. Өглөөний цайгаа хамт уу
4. “Би чамдаа хайртай” гэж алхам тутамдаа хэл
5. Дандаа урам хайрлаж бай
6. Ялгаатай буйдаа талархаж, түүнийгээ тэмдэглэ
7. Өдөр бүр сүүлчийнх юм шиг амьдар
8. Хариу хүлээгээгүй хайрын захиа бич
9. Хамтдаа үр суулгаж, цэцэг дэлгэртэл нь ургуул
10. Долоо хоногийн нэг өдөр болзоонд яв
11. Шалтгаангүйгээр цэцэг илгээ
12. Бие биенхээ гэр бүл найз нөхдийг хайрлан хүндэл
13. “Би чамд хайртай” гэж бичээд гэртээ бүх газар хад
14. Сарнайн сайхныг зогсоод үнэрлэ
15. Санамсаргүйгээр үнс
16. Жаргах нарны гайхамшгийг хамтдаа хар
17. Чин сэтгэлээсээ уучлал гуй
18. Өршөөж чаддаг бай
19. Танилцсан өдрөө сэргээн дурсаж бай
20. Гарыг нь атга
21. Нүд рүү нь хараад “Би чамд хайртай” гэж хэл
22. Түүнийг уйлахад нь аргадаж тэвэр
23. Түүнийг ойлгодгоо илэрхийл
24. Жинхэнэ хайр, амжилтын төлөө хундага өргө
25. Сэтгэлийг нь хөдөлгөх ямар нэг юм сэд
26. Түүнд чамайг төөрч будилсан үед замыг чинь зааж өгөхийг зөвшөөр
27. Онигоо ярихад нь инээ
28. Дотоод гоо сайхныг нь үнэл
29. Өөрөөсөө энэ өдөр түүний төлөө юу бүтээв гэж асуу
30. Гайхамшигтай мөрөөдлийг нь дэмж
31. Олноос нуулгүй түүнд хайртайгаа харуул
32. Хайрын иллэг хий
33. Онцгой мөчид хамтдаа баярлаж, тэмдэглэл хөтөл
34. Бие биеийнхээ айдсыг үргээ
35. Далайн эргээр хөл нүцгэн алхацгаа
36. Чамтай гэрлэхийг нь дахин асуу
37. Тийм гэж хэлж бай
38. Бие биеэ хэзээд хүндэл
39. Хайрынхаа хамгийн хүчтэй дэмжигч нь бай
40. Авахыг хүссэн хайрыг нь өг
41. Өөрийнхөө авахыг хүссэн хайраар ч хайрла
42. Ажил төрлийг нь сонирхдогоо харуул
43. Төсөл дээр хамтдаа ажил
44. Хөнжлөөрөө хэрэм босго
45. Сарны гэрэлд дүүжин савлуур дээр улам дээшээ савла
46. Бороотой өдөр гэртээ зугаалга зохио
47. Орондоо галзуу ууртайгаар бүү зүглэ
48. Хайртынхаа сайн сайхны төлөө эхэлж залбир
49. “Сайхан амраарай” гээд үнс
50. Хоёр давхар давхралдсан мэт тэврэлдэж унт

Хайр дурлалаа мөнхийн гал шиг үргэлж асаалттай байлгахын тулд...


Илэн далангүй байдал
Хайр дурлалд хаа нэгтэйгээс үл ойлголцол заавал үүсдэг. Энэ үед чи өөрийгөө хуурч, таагүй байдлаа бусадтай тэр тусмаа найз охинтойгоо хуваалцахаас айдаг. Яагаад гэвэл бүх зүйлийг хэлчих юм бол сайхан байдлыг баллачихна гэж бодсон хэрэг. Чамайг хичээх тусам яагаад байдал улам дордоод байна гэж үү. Энэ бол зүгээр л чи өөрийнхөөрөө биш өөгүй хүний дүр эсгэж байгаагаас болдог. Түүний нүдэнд үргэлж арилгасан сонгино шиг харагдах гээд бүр сүүлдээ ядрах нь бий. Тайван бус байдал, сэтгэл зовоож байгаа зүйлээ илэн далангүй чөлөөтэй ярьсан үед та хоёрын харьцаа улам дотносож, тэр чамайг өмнөхөөс илүү ойлгож хайрлана шүү дээ.

Нөхцөл байдлыг үнэлэх чадвар

Түүнтэй үргэлж хамт байхад сайхан байлаа ч зайлшгүй чухал ач холбогдолтой нөхцөлд байдлыг үнэлж чаддаг байх хэрэгтэй. Орой зугаалъя гэж гуйх үед маргааш нь чи чухал шалгалттай байгаа бол зоригтойгоор татгалзаж сурах хэрэгтэй. Хэрэв тэр чамд хайртай л юм бол ойлгоно. Түр зуурын явдлаас болж сургуулиа, олж авах мэдлэг чадвараа орхих юм бол тэнэг хэрэг. Хожим та хоёр тийм алхам хийсэндээ бие биендээ баярлах болно.

Имижээ өөрчил
Найзад чинь пүүз , жийнс өмссөн байх нь илүү таалагддаг байлаа ч хааяа нэг сонгодог загвараар хувцаслаж байгаарай. Тэр үргэлж уянгын дуу сонсох гээд байдаг бол альтарнатив, аранби гээд хөнгөн стилийг сонсохыг санал болго. Энэ бол хатуурхал биш. Харин нэгэн хэвийн уйтгартай байвал тэр жинхэнэ хатуурхал юм.

Үзэл бодлоо солилц

Ярилцах сэдвээ ч байнга өөрчилж байх хэрэгтэй. Нийгэм, улс төр, эдийн засаг гээд бүх сэдвээр чөлөөтэй ярилцаж санал бодлоо солилцож байгаарай. Энэ явцад харилцан мэдээлэл авч улам хөгждөг. Хааяа яруу найраг нэг нэгэндээ уншиж өгч, хамгийн сонгодог дөрвөн мөртүүдийг зориуд цээжил. Эсвэл хоорондоо хоёр талтай асуулт тавьж хариулахыг хичээ. Жишээ нь: Кино үзэх нь дээр үү, ном унших нь илүү юү, намуухан бороотой үдэш халхавч барих уу, нэвчиртэл норох сайхан уу, хар, цагаан гэдэг ойлголтыг юутай зүйрлэж болох вэ гэхчилэн… Ингэвэл та хоёр өмнө нь мэддэггүй байсан бие биенийхээ үзэл бодол, зан чанарыг илүү мэдрэх юм.

Зугаалга
Амьдардаг дүүрэг, хотынхоо очиж болох хамгийн сайхан газруудын нэрсийн жагсаалтыг гарга. Та хоёрын хамгийн анх үнсэлцсэн газар, маш романтик байсан үеүдээ дурсаж болох тэр газруудаа жагсаалтанд оруул. Одоо дахин хайрын болзоонд яарах цаг болжээ. Анхны болзоонд урьж байсан шигээ түүн лүү утасдаж очих газар цагаа товлоорой. Цааш нь бүх зүйл аяндаа өрнөнө. Анхны уулзалт, анхны үнсэлт гээд…

Гэнэтийн бэлэг

Бэлэг өгөхөд заавал төрсөн өдрийг нь хүлээх хэрэггүй. Бэлэг өөрө гэнэтийн сюрприз байвал маш сонирхолтой. Өөрийнхөө хамгийн эвлэгхэн дуулдаг дуунуудаа CD-нд бичүүлээд цомог болгон өгч болно. Хэрэв тэр ном унших дуртай бол түүнийг нь өг. Уншиж дуусаад шууд л чам руу утасдаж баярлалаа гэж хэлэхээр тийм “сак” ном бэлэглэ. Гэхдээ хуудасных нь хаа нэгтээ чин сэтгэлийн үгээ бичихээ мартав аа.

Хайртай гэдэг нандин үгээ хадгал
Би чамд хайртай гэдэг үгийг үргэлж хэлээд байвал үнэ цэнээ алдана. Сэтгэл чинь үнэхээр хөдлөөд байвал хамтдаа хайрын тухай дуу сонс. Хайртай гэдэг үгийг хэлэхээ түр азнаад, түүнийг нүднээс чинь хайрын оч бадарч байгааг мэдэртэл нь хүлээ. “Чамтайгаа хамт байхад би хамгийн аз жаргалтай, Чиний тухай бодол надад бүтэн өдөржин эрч хүч өгдөг, Би ямар их азаар чамтайгаа учирав аа” гэх мэтээр сэтгэлийн үгээ хэлээрэй.

Баяр хөөрөөр дүүрэн байх 24 зөвлөлгөө



Ask for what you want. Хүсч байгаа бүхэндээ хариулт хай
Be who you say you are. Өөртөө юу хэлж байна, тийм л бай
Care about others.
Бусдад анхаарал тавь.
Dare to live your dreams. Мөрөөдлөөрөө амьдрах зоригтой бай
Ease through the day. Өдрийн турш өөрийгөө тайван байлга
Find the best fit. Хамгийн шилдэг шийдлийг хай
Give to another. Бусдад өг
Hug a friend. Найзыгаа тэвэр
Inspire someone to greatness. Хэн нэгнийг агуу байдал руу хөтөлж, урамшуул
Jump over a boundary. Саад бэрхшээл ирэхэд үсрээд л гарчих
Kick a bad habit. Нэг муу зуршлаа өшиглөж хая
Leap across a fear. Айдсаа даван туул
Mention something uplifting. Юун дээр сайжирч, дэвшиж байгаа, түүнийгээ сана
Never say never. Хэзээ ч гэдэг үгийг хэзээ ч битгий хэл
Open your mind and heart. Зүрх сэтгэл, оюун ухаанаа нээлттэй байлга
Pursue your innermost passions. Бүр дотроо байгаа хүсэл эрмэлзлээ ил гарга
Quit complaining. Гомдоллохоо бүүр боль
Restore your smile. Инээмсэглээрэй
Set your sights high. Хараагаа илүү өндөрт зоо/томсго
Trust yourself. Өөртөө итгэ
Use all the day. Өдрийг бүхэлд нь ашигла
Value everything. Бүх зүйлийг үнэтэйд тооц
Wait until it feels right. Зөв гэж оюун ухаандаа хүлээн зөвшөөртлөө хүлээ
Xpress yourself. Өөрийгөө илэрхийл
Yank weeds from your mental garden. Оюун ухааныхаа талбайгаас хогийн ургамлыг
тастаж хая
Zoom into the now. Яг одоо гэдэг дээр анхаарлаа төвлөрүүл

11.12.08

Мэдээж шинэ жил...


За охид, залуучуудаа шинэ жил болох гэж байна, ширээнийхээ бүтээлгийг ч солих гээд байх шиг байна. За тэгээд орос ах нар шиг уудаг ганц сайхан баяруудын нэг юм энэ баяр. Энэ жилийн өвөл их хүйтэн байгаа гэсэн шүү, болгоомжтой ууж гэр гэртээ харихаа бодоорой доо. Нас залуу хийж ажил их, уух архи ч бас их хүлээж байгаа болхоор хамжааргатай байгаарай.

За тэгээл бүх л эмэгтэйчүүдийн адил би ч гэсэн даашинз өмсөнөө. Харин энэ жил би их гоё ганганийг сонгосонгүй. Жил болгон л нэг гял цял юм худалдаж аваад дахиж өмсөх эрхгүйгээр үүрд хадгалагдан үлддэг нь жаахан тиймхэн юмаа. тэгээд миний платийг найз болон нөхөр маань шууд голсон. Нэг нь унтлагны хувцас шиг гэлээ, нөгөөх нь гэрийн халат шиг гэлээ, бүр нөгөөх нь солонгос плаж юмуу гэсэн гэнэ. Уг нь би эдэлгээ чанарыг нь бодож ноолуураар захиалж хйилгэж байгаа юмсан. Бүсгүйчүүд минь хараад нэг хэлээд өгөөч, үнэхээр муухай унтлагны хувцас шиг байгаан боловуу...үнэхээр би муухай плаж өмсөх гээд байгаан боловуу, энэ загварыг би сонгохдоо дараа нь ажил дээрээ, хавар намарын сэрүүнд хар свитерэн дээр өмсөхөд гоё харагдах байх гэж бодсийн. Харин манай шинэ жил нээх тийм гял цал газар болохгүй, цөөхүүлээ болохоор даруухан газар болох юм гэсэн. Бас найз нөхөдүүд шинэ жилээ салхинд гарч тэмдэглэхүү гэж хүртэл яриад байгаа болхоор л......за тэгээд энэ тухай надад үнэнийг хэлээд өгөөч...

Бясалгалын тухай сурвалжлага

Сүүлийн үед хүмүүс сайн, муу энерги, сэтгэлийн хүч, гэгээрэл, бясалгал гэж нэлээд ярих болжээ. Ер нь бясалгал гэж юу вэ, бясалгаснаар юунд хүрч болох вэ, энерги гэж юуг хэлээд байна, бурхан шашны зан үйл юм уу, шинжлэх ухааны талаас нь юу гэж үздэг юм бол гээд олон олон асуултад тань дараах ярилцлага хариулт өгөх болно. Ингээд ШУТИС-ийн багш, техникийн шинжлэх ухааны доктор, профессор Д.Лхагваатай ярилцсанаа хүргэе.
-Лхагваа багш аа, бясалгал гэдгийг та маш энгийнээр тайлбарлаад өгөөч?
-Бясалгалын мөн чанар гэвэл ердөө л оюун санаагаа ариусгах явдал юм. Хүн бясалгал хийснээр оюун санаагаа ариусган цэвэрлэж л байгаа хэрэг. Бидний бие 70 триллион эсээс бүтдэг. Тэр 70 триллион амьд биетийг удирдах хөтөлбөрийг бид бясалгалаар өөрчлөн хөгжүүлж болдог гэсэн үг юм. Ийм учраас бясалгал гэдэг нь сүнсээ төдийгүй физик биеийг хөгжүүлэх хэлэхийн аргагүй асар их ач холбогдолтой дадал юм л даа.Чи түрүүн хэллээ, сүүлийн үед хүмүүс бясалгал энерги гэж их ярих болжээ гэж. Дэлхий нийтээрээ бясалгах гэж хичээх болсон нь үүнтэй л холбоотой. Хувь хүн өөрөө өөртөө, өөрийнхөө төлөө хийж байгаа оюуны их хөрөнгө оруулалт юм шүү дээ, бясалгана гэдэг чинь.
-Тэгвэл энерги гэж юу юм бол. Хүмүүс сайн, муу энерги гээд л ярих болж?
-Миний ойлгож томъёолж байгаагаар бол оюун санаа гэдэг чинь л энерги юм. Энергийг цэвэрлэнэ, эрчим хүчний түвшинг дээшлүүлнэ, хөгжүүлнэ гэсэн хоёр санаа үүдэн гарч байгаа биз.Тэгэхээр хүний хөгжил гэдэг бол ердөө л энергийн хөгжил. Энергийг мэдээллийн үр дагавар, үйлдлийн үр дүн гэж ойлгож болно. Миний энэ хэлээд байгаа мэдээлэл, үйлдэл гэдэг маань бие, хэл, сэтгэлийн шалтгаантай. Биеэрээ хэн нэгэнд ямар нэгэн хохирол учруулсан, хорлосон бол тэр хүн ял сонсож,шийтгүүлнээ дээ. Харин хэл амаараа , сэтгэлээрээ хэн нэгнийг хохироосон бол тэр хүн ямар ч ял шийтгэлгүй яваад байдаг. Тийм биз дээ. Бүр юу ч болоогүй юм шиг аз жаргалтай, өнгөтэй өөдтэй юм шиг л.
“Хүний сэтгэлийн хүч гэдэг маш их болохоор диваажингийн орныг бҮтээж, эрлэг тамын орныг Ч эвдэж Чадна”
гэж их багш Чинхай сургадаг Эрүүгийн хуулиар бүхнийг зохицуулах аргагүй биз дээ. Харин энергийн хууль энэ яваа хийгээд дараа төрөлд ч бүхнийг зохицуулдаг. Үүнийгээ хүн өөрөө мэдчихвэл хялбархаан удирдчихнаа даа. Харамсалтай нь хүн гэдэг амьтан өөрийгөө энергийн биет гэдгээ мэдэхгүй удирдлагагүй зөнд нь орхичихсонд л хамаг учир байгаа юм. Энерги хямрахын хэрээр хувь хүн төдийгүй улс оронд ч зовлон гамшиг нүүрлэнэ. Материаллаг зүйлд тархи нь овоолоостой, материаллаг зүйлээр сэтгэл нь чихээстэй хаанахын хэн ч бай энергийн хямралтан юм. Энэ нь гай түйтгэрийн үүдийг нээдэг түлхүүр нь болоод байдаг. Энерги хямарч, бохирдож доройтохыг бузартах гэдэг. Бас ад хорлол ч гэдэг. Сөрөг энергийн бөөгнөрөл нь эргээд улс орны төдийгүй дэлхийн энергийг ч хямрааж хорлох аюултай. Харамсалтай нь хүн энерги нь бузартсанаа мэддэггүй. Ийм хүнийг ад шүглэсэн хүн гэдэг.
-Одоо л энерги гэдгийг ойлголоо. Муу энергитэй хүн айлд ороод гарах тэр ч байтугай зөрөөд өнгөрөхөд хүртэл хар мөртэй байдаг гэж хүн хэлж байхыг сонсч байсан юм байна. Бузартах ад шүглэх гээд ярьсан чинь бурхан шашин ч юм шиг санагдаад явчихлаа?
-Бурхан диваажин гээд ярихаар хүмүүс шашин ярилаа гэж ойлгох юм. Тийм биш ээ. Бурхан диваажин гэдэг нь дээд ухамсрын нэг л түвшин юм. Үүнд хүн бид дуртай үедээ хүрэх боломжтой гэж Чинхай багш хэдэн жилийн өмнө НҮБ-ын индэр дээрээс уншсан лекцэндээ хэлж байсан. Арьяабалын бясалгалын мөн чанар бол чухамдаа энэ юм. Ад шүглэсэн хүнийг ном уншлагаар засчих арга мөхөс. Гагцхүү бясалгал л аварна. Үйлдэл ямар байна, үр дагавар мөн тийм байна. Ийм болохоор энергийн хууль шиг хатуу, бас байг яг онож үйлчилдэг хууль өөр хаана ч байхгүй. Яг л бууны сум шиг тусна. Үүнийг сонсохоор зарим хүн эвгүйцэх байх. Тэгвэл та өөрийгөө сөрөг, хар талдаа энергитэй хүн байна гэж ойлгох хэрэгтэй. Харин үүнийг сонсоод нэг л аятай сэтгэгдэл төрж байвал та аядуу сайн энергитэй юм гэж ойлгож болно.
-Яагаад. Уучлаарай, та бид хоёрын ярилцлагыг уншаад хүн хүн өөрийнхөөрөө л хүлээж авна шүү дээ. Заавал итгэж үнэмших албагүй ш дээ?
-Тийм ээ. Нэг юмыг хоёр өөрөөр хүлээж авахыг одоогийнхоор үзэл бодол гэдэг. Энэ нь эеэргүү сөргүү энерги гэсэн үг. Үзэл бодлоо уралдуулж өөрөөр хэлбэл эерэг сөрөг энерги харшилдсанаас зарим тохиолдолд улс орныг хохироох нь ч бий. “Сайн санааны үзүүрт шар тос”, “Санаа муу бол заяа муу” гэж үг байдаг даа. Дорно дахины энергийн хууль ийм юм. Түрүү үеийн Дорнын улс үндэстнүүд алт мөнгөнд шунаж, газар ухаж сэндийлэхээс үхтэлээ айж эмээдэг, нүгэл гэж цээрлэдэг байсан нь энергийн хуулийг мэдэрсэн их холын ухаан байсан байгаа юм.
-Бясалгал маань дотроо олон янз байх шиг байна, тийм үү?
-Олон янз. Гэхдээ олон бясалгалын мөн чанар эцсийн үр дүнд ямар түвшинд очих вэ гэдгээрээ ялгагдана. Янз бүрийн аргаар бясалгаж болно л доо. Аль нь ч гэсэн сэтгэлийг ариусгах, оюуныг хөгжүүлэх зэргээр тодорхой шатанд хүнийг өөд татах нь зайлшгүй. Гагцхүү аль шатанд хүртэл хөгжүүлж болох вэ гэдэг нь бясалгалын аргаас, ямар дэсэд хүрч гэгээрэх вэ гэдэг нь багшийн дэсээс хамаарна.
-Та багшийнхаа тухай яриач. Ер нь яагаад энэ бясалгал гэдэг юманд ингэтлээ автах болов?
-Анх бясалгалд суух болсон шалтгаан гэвэл тэр үед миний амьдралд маш хүнд уй гашуудал тохиолдсон үе байлаа. Гавьяат эмч Хатанбаатар түүний гэргий хоёр намайг “уруу татсан” гэх үү дээ. Энэтхэгээс багш ирж хоёр удаа бясалгал хийсний сүүлийнхэд нь би суусан юм. Тухайн үед бясалгалын талаар ямар ч ойлголт байгаагүй л дээ. Зүгээр, намайг гэсэн тэр хүмүүсийн сэтгэлийг бодоод л очсон хэрэг. Миний багш Чинхай бол хүн төрөлхтний түүхэнд гэгээрсэн олон хүн төрсний дотроос аугаа их нь юм.
-Яагаад аугаа их нь гэж. Урьд нь хэдэн зуун жилийн түүхэнд аугаа гэгээнтэн байгаагүй гэж үү?
-Аугаа гэдгийг ямар хэмжүүрээр хэмжиж байна гэвэл гэгээнтнүүд бүгд гэгээрсэн номлолоо ямар нэгэн хэмжээгээр дэлгэрүүлж байсан боловчиг дэлхийн дайдад хүрсэн нь үгүй юм. Тийм бололцоо ч түрүү үеийнхэд байсангүй. Одоогоор мэдэгдэж буй төгс гэгээрэлд хүрсэн амьд сэрүүн байгаа ганц хүн бол Чинхай багш. Төгс гэгээрлийн наана олон төрлийн гэгээрэл бий. Аргаасаа шалтгаалан олон түвшинд гэгээрсэн амьд бурхан гэгээнтэн ч байна.
-Төгс гэгээрнэ гэхээр яахав.?
-Төгс гэгээрнэ гэдэг бол чанадын чанад гэгээрэлд хүрсэн амьд бурхан гэсэн үг. Бурхан багшийн гэгээрсэн гэгээрлийн тэр чинадад хүрсэн хүн бол Чинхай багш юм. А.Эйнштейний онолын үүднээс ярья л даа. Энэ онолоор бол бид хөгжлийн өндөр түвшинд хүрснээр материйг гэрэлд хувиргах, буцаад гэрлийг материд хувиргах бололцоотой болдог. Чухам энэ энергийн хуулийг Чинхай багш бие дээрээ хэрэгжүүлсэн хүн. Бид гурван хэмжээст сэтгэлгээний дотор, гурван хэмжээст ертөнцөд амьдарч, сэтгэж байдаг. Одоо, өнгөрсөн, ирээдүй гэсэн гурван цаг дээр бид сэтгэж бодож, аж төрж байна гэсэн үг. Бидний амьдрал ч энэ гурван цагтай шууд хамааралтай. Хүн өөрөө ч энэ гурван цагийн бүтээгдэхүүн. Энергийн хуулийг бие дээрээ хэрэгжүүлсэн гэхээр энэ гурван хэмжээст сэтгэлгээнээс цааш нэвтрэн гарч чадсан гэсэн үг. Сансрын олон хэмжээс рүү нэвтрээд гарахаар ертөнцийн вакумд орж байгаа юм. Тэнд өнгөрсөн, одоо, ирээдүй цаг маань нэг дор байдаг. Бүх юм нэг дор учраас бүгдийг харж сонсч, мэдэрч болно. Ийм аугаа юм руу орж байгаа юм. Тийм хэмжээнд хүрч чадсан хүн л тийм аугаад хүрч чадна биз дээ. Тэр вакумд нягтрал нь 10-ын 95 зэрэгтэй байдаг. Гэтэл атомын нягтрал 10-ын 14 зэрэгтэй гэдэг биз дээ. Тийм орчинд хүртлээ эгэл жирийн хүн өөрийгөө хөгжүүлнэ гэдэг бол гайхамшиг гэхээс яахав.
-Тэгвэл ийм нэг асуулт гарч ирж байна л даа. Сансрын хэмжээс рүү нэвтрээд гарчихсан, бүх цаг үеийн юмыг хараад мэдээд байдаг амьд бурхан юм бол аливаа зовлон бэрхшээл, аюул гамшгийг урьдчилан харж мэдэж, түүнээс урьдчилан сэргийлж болдоггүй юм уу?
-Бүхнийг харж мэдэрч л байгаа. Гэхдээ үйлийн үрд оролцож болохгүй шүү дээ. Гагцхүү хүн өөрийгөө бясалгалаар л аварна. Чинхай багш ингэж номлодог юм. Хүн бүхэн гэгээрч болноо. Яагаад гэвэл хүн бүхэн бурханы мөн чанартай. Тиймээс та нар бурханы чанараа нээгээч. Та нар эрдэнээ нуучихаад түлхүүрийг нь олохгүй суугаад байна. Би та нарт түлхүүрээ олох хамгийн хялбар аргыг заагаад өгье. Товчхондоо Чинхай багшийн онол номлол энэ.
-Хүн бүхэн гэгээрч болно гэлээ. Хүн бүхэн бясалгаж болно л доо. Жишээ нь гэхэд би бясалгалыг маш их сонирхож байгаа. Харин хүн бүхэн гэгээрнэ гэхээр нэг л...?
-Тийм ээ, хүн бүхэн гэгээрч болно. Хүн өөрийгөө дотроос нь хөгжүүлж, мөн чанараа нээж олохыг л гэгээрэл гэдэг. Их, бага аль ч түвшний гэгээрлийн дүнд хүн өөрийгөө шинээр нээж, өөрөө эергүү энерги буюу энэрэл хайрын нэгэн үүсгүүр болно.
-Бясалгал хийхээр заавал цагаан хоол идэх ёстой юу?
-Манай бясалгал бол хоёр шаттай. Нэгдүгээрт дөхөм бясалгал. Энэ нь Чинхай багшийн шавь болоод өдөр бүр 30 минут бясалгаад сард 10 хоног цагаан хоол иднэ. Тодорхой сахилаас боломжоороо мөрдөх дэгтэй. Хоёрдугаарт авшиг авах. Энэ нь сахил хүртэнэ гэсэн үг л дээ. Ийм тохиолдолд таван сахил хатуу мөрдөнө. Худал хэлэх, хулгай хийх, амьтны амь таслах, оюун санаа хордуулах архи тамхи хэрэглэх, садар самуун явах гэсэн таван нүглийг хатуу цээрлэнэ. Өдөрт доод тал нь 2,5 цаг бясалгал хийх дэгтэй.
-Авшиг авчихвал хэцүү юм байна даа. Наад зах нь ялаа шумуул алах хүртэл амьтны амь тасалсан болоод явчихна биз?
-Нэгэнт зүглээд очсон хүн барагтай бол буцдаггүй түргэхэн шиг авшиг авах юмсан гэсэн сэтгэлтэй болчихдог юм даа.
-Манайд сүүлийн үед бясалгал нэлээд дэлгэрч байна л даа. Авшиг авсан олон хүн байдаг болов уу?
-Миний тооцоогоор дөхөм бясалгалаар хичээллэгсэд 14000 гаруй, авшиг авсан олон зуун хүн бий.

-Танай бясалгал ямар төлбөртэй вэ?

-Төлбөр байхгүй ээ. Нэгэнт буяны юм учраас үнэ төлбөртэй байж таарахгүй биз дээ.

-Бясалгалд ер нь хэдий насныхан их хамрагдаж байх юм?

-Ихэвчлэн залуучууд. Ер нь 70 гаруй хувь нь залуучууд шүү. Өөрийгөө нээе, хөгжүүлье гэсэн авьяас билэгтэй залуучууд олноороо хамрагдаж байгаа нь үнэхээр баярлууштай.

-Энэ чинь харин олзуурхууштай мэдээ байна даа. Архи, тамхи, худлаа хэлэх хулгай хийхийг цээрлэж, зугаа цэнгээнээс хол байж өөрийгөө нээе гэж залуучууд маань зориглож байгаа нь сайхан сонсогдож байна шүү.

-Тийм ээ. Үүний цаана ёс суртахууны цэвэр ариуныг дээдэлсэн гайхамшигтай чанар цогцлон бүрдэж байгаа юм. Наанадаж таван нүглийг бие хэл сэтгэлээрээ насан турш тэвчихээр зориглож, эх орны ирээдүйн эзэд маань ёс суртахууны эрхэм нандин замыг сонгож байна. Энэ бол ямар ч төр засгийн бодлого хууль журмаар зохицуулах аргагүй хирнээ дээд ухамсрын нөлөөгөөр нийтийг хамран дэлгэрч байгаа ирээдүйд чиглэсэн үнэлж баршгүй хөрөнгө оруулалт юм даа.
-Түрүүн таны ярианд цухас дурдагдсан даа, би яриаг чинь тасалж зүрхлээгүй юм. Хойд урд нас, сүнс гээд л энэ талаар та арай дэлгэрэнгүй яриач?
-Хүний амьдрал гэдэг хоёр хэсгээс бүтдэг юм байна л даа. Энэ насны хойд нас буюу сүнсний гэж. Хүн бол энерги гэсэн шүү дээ. Тэгэхээр энерги устаж үгүй болдоггүй. Харин нэг хэлбэрээс нөгөө хэлбэрт шилжинэ.Энергийн цөм буюу хамгийн гол хэсгийг сүнс гэдэг. Тэгэхээр хүмүүний үүсэл сүнс гээч энергитэй холбоотой байх нь. Энэ нас дуусахад энерги хэлбэрээ өөрчилнө. Энэхүү шилжилтийн хэлбэр нь хүн энэ насандаа хураасан энергийн хүчээр шийдэгдэнэ. Өөрөөр хэлбэл энергийн хууль үйлчилж байна.Сайн энерги хураасан бол өндөр дээд түвшний энергийн давтамжинд очно. Үүнийг диваажингийн дээд хэлбэрээр ойлгодог. Диваажин гэдэг нь бидний дээр оршиж байгаа хүмүүний хүрч болох таван их ертөнц юм. Эхнийх нь асурын ертөнц бөгөөд энэ нь 120 гаруй дэд ертөнцөөс бүтдэг. Өөрөөр хэлбэл 120 гаруй энергийн долгионы түвшин гэж багцаалж болох юм. Эдгээр долгионы хэлбэлзлийг давж гартал өөрийгөө хөгжүүлсэн бол хоёрдугаар ертөнцөд хүрнэ гэх мэт. Харин сөрөг хар энерги их хураасан бол бохир энергийн өчүүхэн долгионы хэлбэлзэлд татагдаж унах нь. Үүнийг там гэдэг. Энерги хэзээ ч устаж үгүй болохгүй гэж дээр хэлсэн дээ. Тэгэхээр олон зуун мянган жил сүнсний амьдралаар амьдрах нь ч бий.
-Ямар ч гэсэн бясалгалын ач тусын талаар их ярих болж. Бясалгал хийдэг хүн хэзээ ч хорт хавдраар өвддөггүй гэдэг ч юм уу. Ер нь бясалгалын энэ насанд яг бодитоор хүрэх үр дүн нь юу юм бэ?
-Бясалгалын явцад хүнд урьдаас хэлж таах аргагүй олон үйл явц аяндаа өрнөж, эмх замбараагүй байдалд орж, тэндээсээ аяндаа эрэмблэгдэх зэргээр санаснаас хавьгүй өөр үр дүн гардаг. Энэ нь бясалгалын арга болон бясалгагч бүрт адилгүй учир нэг тийм үр дүнд хүрнэ гээд урьдаас төсөөлчихвөл тэрнээсээ хэтрэхгүй хайрцаглагдчихдаг. Гэхдээ зөвхөн дээд бясалгалаар л дээд үр дүнд хүрнэ. Дээд бясалгал нь бэлгийн мэлмийг нээх ажиллагаа юм. Их багш Чинхай ингэж хэлсэн байдаг.”Бясалгалын эрдэм бол гайхамшигтай их юм. Хүний сэтгэлийн хүч гэдэг маш их болохоор диваажингийн орныг бүтээж, эрлэг тамын орныг эвдэж ч чадна. Аливаа бүхэн цөм энэхүү сэтгэлд л байгаа юм” гэж.

-Өвчнийг анагаадаг гэдэг нь хэр ортой юм бол?

-Атлантидын болон түүнээс өмнөх үеийн хүмүүст байсан гуравдагч нүд буюу билгийн мэлмий дотоглож ширгэхдээ толгойны оройгоос доош босоо чиглэлд огтлолцох цэгт боргоцой булчирхай болж тогтсон гэж зарим эрдэмтэд үздэг. Энэ булчирхай нь гэрэлд мэдрэмтгий эсүүдтэй бөгөөд эдгээр эс нь нүдний торлогийн адил харах чадвартай учраас үүнийг нь бясалгаж хөгжүүлснээр хүний гэрэл мэдрэх чадварыг хөгжүүлэх нэг боломж бий болохыг судлаачид тогтоосон. Энэ булчирхай нь даавар боловсруулалтыг хянаж, удирдаж явуулахаас гадна симпатик мэдрэлийн тогтолцоонд хэт ачаалал үүсэхээс сэргийлж, цусны даралт унах, зүрхний хэм удаашрахаас хамгаалдаг байна. Бясалгал хийдэг хүмүүсийн цусанд энэ булчирхайн ялгаруулдаг даавар болох мелатонин ихэсдэгийг бас тогтоосон. Харин сэтгэцийн өвчтэй хүнд энэ дааврын хэмжээ багасдаг. Мелатонины хэмжээ ихсэхэд хүн тайвширдаг. Голландын эрдэмтэд энэ даавраас залуужуулах эм хүртэл гаргаж авсан байдаг шүү дээ.

Хамгийн сүүлд танаас нэг зүйл асууя. Сүүлийн үед хүмүүсийн сонирхлыг нэлээд татсан зүйл бол Буриадын хамбын шарил байна. 75 жилийн дараа булшнаас гаргаж ирэхэд бие нь амьд хүнийх шиг бүр бүлээнээрээ байсан гээд л. Тэр их сонин шүү, гэгээрсэн хүн байсан уу?

-75 жилийн дараа гаргаж ирэхэд унтаж байгаа хүн шиг л үхлийн шинж тэмдэг огт байгаагүй нь самадид орсон хэрэг. Ийм жишээ олныг хэлж болно шүү дээ. Энэ нь бясалгалын маш том үр дүн юм. Бурханы ухамсарт автан оршиж байгаа дүр гэсэн үг. Ухамсраараа өөрийгөө захирахын дээд жишээ юм даа. Ийм байдалд хүн мянга мянган жилээр ч амьдарч болохыг эртний мэргэд, гэгээнтнүүд олж олон зууны турш хэрэгжүүлсний нэг жишээ нь энэ юм.

Авдар саванд...

Элияагийн тухай

My photo
Улаанбаатар, Халх Монгол, Mongolia
Би нулимсанд дургүй амьдрал